1.Júní 2012 á Ingibjörg Hafstað 53ja ára afmæli og eigendur Gæðings opna Microbar að Austurstræti 6. Þar eru 8 kranar með bjórum Gæðings, Kalda og Ölvisholts. Önnur örbrugghús voru ekki starfrækt á Íslandi á þessum tíma. Einnig voru um 30 tegundir af innfluttum handverksbjórum í boði á hinum nýopnaða bar. Mekka handverksbjórs hafði fengið sinn stað á Íslandi til a.m.k næstu tveggja ára.

Tíminn líður. Microbar dafnar og verður í auknum mæli aðdráttarafl erlendra ferðamanna.

2014, 5. júní er Franska opna meistaramótið í tennis orðið óbærilega spennandi, en kyntáknin Maria Sharapova og Rafael Nadal stóðu þremur dögu seinna uppi sem sigurvegarar. Fyrir vikið misstu þau bæði af opnun Microbar&Bed á Sauðárkróki. Þar opnuðu eieundur Gæðings sinn annan bar; einn af allra fallegustu börum í miðbæ Sauðárkróks; veggjaskreyttann af Hugleiki Dagssyni.

2015, 20 Október, tilkynnir Joe Biden að hann ætli ekki að bjóða sig fram til forseta Bandaríkjanna fyrir kosningar 2016. Hann hefði því allt eins getað komið og samglaðst  Gæðingi, þegar Microbar flutti sig frá Austurstræti og opnaði á nýjum og betri stað að Vesturgötu 2.

2018, 11. September eru liðin 17 ár frá harmleiknum á Manhattan og Pentagon. Kofi Annan er borinn til hinstu hvílu, en það er hægt að minnast þess jákvæða, að Microbar Kópavogur var opnaður að Nýbýlavegi 8 í Kópavogi.

Gæðingur er að koma sér fyrir í sama húsnæði og fyrsti bjór Gæðings sem bruggaður var þar, var jólabjórinn Jingle Balls.

Það líður að lokum 2020. Fólk bíður með jólaöndina í hálsinum eftir Bóluefni, sem er samstarfsfjór Borgar og Kalda. Grýluhor er búinn hjá Gæðingi, en 19 aðrar tegundir Gæðings eru fáanlegar í Vínbúðunum.

Það er bjart framundan!