Gæðingur

Gæðingur New Sweet England - 6.0% - Session N.E.I.P.A

BRAGÐLÝSING

Ljósgullinn, skýjaður. Sætuvottur, meðalfylltur, beiskur. Sítrus, suðrænir ávextir, grösugir humlar.

UNDIRFLOKKUR - NEIPA

New England India Pale Ale er bjórstíll sem hefur verið í miklum vexti undanfarin ár. Þessir bjórar einkennast af miklum humlaeinkennum vegna þurrhumlunnar. Þetta skilar sér í miklum suðrænum ávaxtaeinkennum ásamt fremur lítilli beiskju miðað við hefðbundna IPA bjóra (þó ekki algilt). Framleiðendur notast oft við hveiti og hafra sem gefur aukna munnfyllingu og eitt aðaleinkenni þessara bjóra er að þeir eru mjög skýjaðir í útliti sökum þess að þeir eru ófilteraðir.

YFIRFLOKKUR - IPA

Þessum flokki tilheyra allir þeir bjórar sem teljast til IPA, hvort sem þeir koma frá Bandaríkjunum, Bretlandseyjum eða annars staðar frá. IPA eða India Pale Ale er öl sem á rætur sínar að rekja til Bretlands og einkennist í dag í flestum tilfellum af mjög áberandi bragði af þeim humlum sem notaðir eru í framleiðslunni. Bragðeinkenni geta t.d. verið sítrus, trjákvoða, og suðrænir ávextir og innihalda yfirleitt nokkuð mikla beiskju. Vínandastyrkur getur verið frá 4,5% til 10%.

Við höfum lokað tímabundið

Ekki tókst að framlengja leigusamninginn í Vesturgötunni og höfum við þar af leiðandi lokað tímabundið. Við erum að skoða önnur húsnæði í Reykjavík og vonum að við getum farið af stað aftur fljótlega.

Þeir sem eru þyrstir í brakandi ferska Gæðinga, geta heimsótt okkur í Microbar Kópavog , kippt nokkrum með í næstu vínbúð eða pantað á Bjórlandi.

Ef þú vilt fræðast meira um Gæðing Brugghús eða panta Brugghús túr endilega hafðu samband. 

Sjáumst vonanadi fljótt aftur :)

You may also like

Nýlega skoðað